काठमाडौं । काठमाडौं महानगरपालिका वडा नं. १८ मा शनिवार एक विशेष समारोहकाबीच २२१ जना कुमार / कुमारीहरूको पूजा गरिएको छ । स्थानीय रक्तकाली युथ क्लब टेंगलको आयोजनामा कार्यक्रम सम्पन्न भएको हो ।
उक्त अवसरमा क्लबका अध्यक्ष विधानराज वैद्यले स्थानीय टेंगल गणेस्थान अगाडि सबै कुमार / कुमारीहरूको तर्फबाट संकल्प गरि पूजा गरेका थिए । पूजा समारोहमा का.म.न.पा. १८ वडाका वडाध्यक्ष न्हूच्छेकाजी महर्जन लगायत स्थानीय समुदायको सहभागिता थियो ।
रक्तकाली युथ क्लबले विगतका वर्षहरू देखि नै कुमार / कुमारी पूजा समारोहको आयोजना गर्दै आइरहेको छ । यसका साथै क्लब अन्य विभिन्न सामाजिक गतिविधिमा पनि सक्रिय रहेको अध्यक्ष बैद्यले बताए ।
