काठमाडौँ / अर्थमन्त्री प्रकाशशरण महतले आगामी आर्थिक वर्ष २०८०र८१ को बजेट आर्थिक वृद्धि, रोजगारीको अवसर बढाउने र सुशासन प्रवर्द्धन गर्नेतर्फ लक्षित हुने बताएका छन् ।
प्रतिनिधिसभाको आइतबार बसेको बजेट अधिवशेनको पहिलो बैठकमा प्रि बजेट छलफलको प्रस्ताव राखेका अर्थमन्त्री महले यस्तो कुरा बताएका हुन । अर्थमन्त्री महतले बैठकमा आर्थिक वर्ष २०८०र८१ का लागि विनियोजन विधेयकका सिद्धान्त र प्राथमिकता सम्बन्धमा छलफल गरियोस् भन्ने प्रस्ताव बजेटका प्राथमिकताका विषयमा समावेश गरेका हुन् ।
आगामी आर्थिक वर्षको बजेट दिगो, फराकिलो एवं समावेशी आर्थिक वृद्धि हासिल गर्ने, रोजगारीका अवसर बढाउने, सुशासन प्रवर्द्धन गर्ने, सेवा प्रवाहमा सुधार र स्रोत साधनको परिचालनमा प्रभावकारिता कायम गर्नेतर्फ परिलक्षित हुने जानकारी गराउँछु, मन्त्री महतले भने ।
