७० अर्ब नाफा कमाएर ३२ अर्ब लाभांश बाँड्दै वाणिज्य बैंकहरू, शेयरधनीकाे भागमा कति ? (सूचीसहित)

काठमाडाैं । गत आर्थिक वर्ष २०७९/८० मा नेपालमा सञ्चालनमा रहेका वाणिज्य बैंकहरूले ७० अर्ब ९ करोड रुपैयाँ नाफा कमाएका छन् । वाणिज्य बैंकहरूले गत वर्ष कमाएको यस्तो नाफा अघिल्लो वर्ष २०७८/७९ को तुलनामा ११ अर्ब ८७ रुपैयाँले बढेको छ । गत वर्ष वाणिज्य बैंकहरूले कमाएको यस्तो नाफा ५८ अर्ब २२ करोड रुपैयाँ थियो । गत वर्ष तुलनामा वाणिज्य बैंकहरूले कमाएको यस्तो नाफा अघिल्लो वर्षको तुलनामा २०.३८ प्रतिशतले बढी हो ।

गत वर्ष बैैंकहरूले कमाएको यस्तो नाफाबाट बाँड्न मिल्ने अर्थात वितरणयोग्य नाफा नै ३२ अर्ब ११ करोड रुपैयाँ रहेको छ । वाणिज्य बैंकहरूले सार्वजनिक गरेको गत वर्षको अपरिष्कृत वित्तीय विवरण अनुसार कुमारी र हिमालयन बैंकको नाफा वितरण क्षमता शून्य रहेको छ । अन्य बैंकहरूले सबैले धेरथोरै नाफा बाँड्न सक्ने अवस्था देखिएको छ ।

तथ्याक अनुसार सबैभन्दा बढी नाफा बाँड्न सक्ने बैंकमा एभरेष्ट बैंक रहेको छ । यो बैैंकले गत वर्षको नाफाबाट ४ अर्ब ३३ करोड रुपैयाँ नाफा मात्रै बाँड्न सक्ने क्षमता देखिएको छ ।

यो बैैंकले यस्तो नाफा बाँड्नको लागि गत वर्ष अन्य २१ वटा वाणिज्य बैंकहरूको तुलनामा सबै भन्दा बढी हो । यो बैंकको यस्तो वितरणयोग्य नाफा ४०.५ प्रतिशत देखिएको छ ।

गत वर्षको नाफाबाट सबैभन्दा कम वितरण गर्नेमा भने नेपाल एसबीआई र नेपाल इन्भेष्टमेन्ट मेगा बैंक रहेको छ । यी दुई बैंकको वितरणयोग्य नाफाको क्षमता जम्मा ०.४६ प्रतिशत मात्रै छ ।

गत वर्ष सबैभन्दा बढी नाफा कमाउने नबिल बैैंकको वितरणयोग्य नाफाको क्षमता १४.६४ प्रतिशत मात्रै छ । यो बैंकले गत वर्ष ७ अर्ब ५२ करोड रुपैयाँ नाफा कमाएको छ । यो नाफाबाट नबिलले ३ अर्ब ९६ करोड रुपैयाँ वितरण गर्ने क्षमता बनाएको छ ।

गत वर्षको नाफाबाट ३१.९९ प्रतिशत वितरण योग्य नाफा बाँड्ने क्षमता बनाएको एनआईसी एसिया बैंक पनि अब्बलको सूचीमा परेको छ । यो बैंकले भने गत वर्ष पनि नाफा वितरण गर्न नपाएकोले यसको नाफा वितरण क्षमता यो वर्ष उच्च देखिएको हो । यो बैंकले ४ अर्ब ६५ करोड रुपैयाँ नाफाबाट ३ अर्ब ६९ करोड रुपैयाँ वितरण गर्ने क्षमता बनाएको छ ।

कुन बैंककाे नाफा र वितरणयाेग्य लाभांश कति ?