काठमाडौँ /नेपाल आयल निगमले पेट्रोलियम पदार्थको बढाएको छ । मंगलबार राति १२ बजेदेखि लागू हुने गरि निगमले पेट्रोल, डिजेल र मट्टितेल प्रतिलिटर ५ रुपैयाँका दरले मूल्य बढेको हो ।
यो मूल्यबृद्धि पछि अब काठमाडौं उपत्यकामा पेट्रोलको मूल्य प्रति लिटर १६० रुपैयाँ पुगेको छ भने डिजल र मट्टितेलको मूल्य प्रति लिटर १४३ रुपैयाँ पुगेको छ ।
त्यसैगरी निगमले खाना पकाउने ग्यासको मूल्य प्रतिसिलिण्डर २५ रुपैयाँ बढाएको छ । बढेको मूल्यअनुसार अब ग्यास प्रतिसिलिण्डर १६ सय रुपैयाँ कायम भएको छ । निगमले यस अघि चैत २ गते पेट्रोलियम पदार्थको भाउ बढाएको थियो ।
निगमकाका अनुसार अहिले पेट्रोलको मूल्य प्रति लिटर १८२ रुपैयाँ ९८ पैसा लागत रहेको छ भने मट्टितेलको १३६ रुपैयाँ ३१ पैसा र डिजेलको १७१ रुपैयाँ लागत रहेको छ । लागत भन्दा कम मूल्यमा विक्रि वितरण गर्नुपर्दा अहिले निगमले पेट्रोलियम पदार्थमा चर्काे नोक्सानी ब्यहोरी रहेको छ । नोक्सानी कम गर्न निगमले सञ्चालक समितिको निर्णय गरेर एकमहिनाभित्रै पेट्रोलियम पदार्थमा स्वचालित बनाउने मूल्य प्रणाली बनाउने तयारी गरेको छ । अर्थमन्त्रालयमा मंगलबार भएको छलफलमा यस विषयमा छलफल भएको बताइएको छ । स्वचालित मूल्य प्रणाली लागु भएमा अहिलेको लागत अनुसार पेट्रोलको मूल्य प्रति लिटर १८२ रुपैयाँ ९८ पैसा पुग्नेछ भने खाना पकाउने ग्यासको मूल्य २५ सय ३२ रुपैयाँसम्म पुग्न निगमले जनाएको छ।
