16.1 C
Kathmandu

गोरखामा सानिमा बैंकको ९५ औँ शाखा सञ्चालनमा

गोरखा/ सानिमा बैंकले गोरखा सदरमुकाममा शाखा संचालनमा ल्याएको छ। बिहीबार एक कार्यक्रमबीच बैंकका एम्बेस्डर वरिष्ठ हाँस्य कलाकार मदनकृष्ण श्रेष्ठ र हरिवंश आचार्यले संयुक्त रुपमा शाखाको उद्घाटन गरेका हुन्।

‘हामीले बैंकको ९५ औँ शाखाको रुपमा गोरखामा सानिमा बैंकको शाखा विस्तार गरेका छौँ’ प्रमुख कार्यकारी अधिकृत निश्चलराज पाण्डेले भने। गोरखाको शक्तिचोकमा बैंकले शाखा कार्यालय सञ्चालनमा ल्याएको हो। बैंक उद्घाटनका क्रममा कलाकार मदनकृष्ण श्रेष्ठले देशको आर्थिक विकासका लागि बैंक तथा वितिय संस्थाहरुको विस्तार हुनुपर्ने बताए।

राष्ट्रनिर्माता पृथ्वीनारायण शाहको जन्मभूमिबाट नै राष्ट्रनिर्माण अभियानको सुरुवात भएको बताउँदै उनले भने ‘सानिमा बैंकले पनि गोरखाबाट सेवा, सुविधा प्रभावकारीका बनाउँदै शाखाहरु विस्तार गर्दै जानुपर्छ।’ अर्का कलाकार हरिवंश आचार्यले गोरखा सम्भावना बोकेको ठाउँ भएकाले यहाँको कृषि, व्यापार व्यवसाय सँगै पर्यटनमा बैंकले राम्रो सँग सेवा दिने बताए।

लगानीमैत्री वातावरण बनाउन तर्फ प्रेरित गर्न बैंकलाई उनले सुझाव दिए। उद्योग वाणिज्य संघका अध्यक्ष कृष्णकुमार श्रेष्ठले बैंक तथा वित्तीय संस्थाले व्यापार व्यवसायमा सघाउँन पुर्‍याउने भएकाले जति धेरै बैंकको शाखा विस्तार भयो त्यति व्यवसायीलाई फाइदा हुने बताए। कार्यक्रममा सानिमा बैंकका प्रमुख सञ्चालक अधिकृत पवन आचार्यले गोरखामा शाखा स्थापना भएसँगै ग्राहकलाई गुणस्तरीय सेवा पुर्‍याउने प्रतिबद्धता व्यक्त गरे।

गोरखामा स्थापना भएको सानिमा बैंक देशभरमा ९५औँ शाखा र १२३औँ कार्यालय भएको गोरखा शाखाका शाखा प्रवन्धक गणेश मल्लले बताए। ‘गोरखाको आर्थिक, सामाजिक क्षेत्रमा योगदान पुर्‍याउन गोरखामा शाखा कार्यालय स्थापना गरिएको हो’ उनले भने ‘हामी गोरखालीलाई व्यवसायी रुपमा सफल बनाउने माध्याम बन्छौँ।’

थप समाचार

LEAVE A REPLY

Please enter your comment!
Please enter your name here

ताजा समाचार