राष्ट्रिय ध्वजाबाहक नेपाल वायुसेवा निगम (नेवानि)ले साउदी अरेवियाको ३ वटा सहरमा उडान अनुमति पाएको छ । निगमले साउदी अरेवियाको रियाद, दमाम र जेद्दामा उडान गर्ने गरी अनुमति पाएको निगमले जानकारी दिएको छ ।
उडान अनुमति पाएसँगै आगामी २ महिना भित्रमै निगमले काठमाडौं–रियादमा दुइतर्फी उडान गर्ने भएको छ । निगमले अप्रिल २०२२ बाटै रियाद सेक्टरमा उडान गर्ने नेवानिका प्रवक्ता अर्चना खड्काले जानकारी दिइन ।
आइतबार साउदीको जनरल अथोरिटि अफ सिभिल एभिएसनको कार्यालयमा भएको निगमका कार्यकारी अध्यक्ष युवराज अधिकारीसहितको पदाधिकारीसँगको भेटपछि साउदीले निगमलाई उडान अनुमति दिएको हो ।
