काठमाडौं । बैैंकहरूमा चरम तरलता अभावको संकेत देखिएको छ । चालू आर्थिक वर्ष २०७९/८० को पहिलो महिनाको पहिलो साता नै निक्षेप अस्वभाविक घटेको छ ।
बैंकिङ प्रणालीबाट एकै सतामा ६३ अर्बले निक्षेप घटेको छ । यो अवभिमा कर्जा प्रवाह पनि ठप्प हुनुले बैंकहरूमा चरम तरलता अभावको संकेत देखिएको हो ।
बैंकर्स संघ नेपालले सार्वजनिक गरेको ६ साउनसम्मको तथ्यांक अनुसार वाणिज्य बैंकहरूमा असार मसान्तको तुलनामा ६ साउनसम्ममा निक्षेप घटेको देखिएको छ ।
यो अवधिमा बैैंकहरूको निक्षेप ४५ खर्ब ४१ अर्बबाट घटेर ४४ खर्ब ७८ अर्बमा झरेको छ । यो अवधिमा बैंकिङ प्रणालीबाट कर्जा प्रवाह भने १० अर्ब रुपैयाँले घटेको छ ।
४१ खर्ब ७५ अर्ब पुगेको कर्जा लगानी साउन पहिलो साता घटेर ४१ खर्ब ६५ अर्बमा झरेको छ ।
बैैंकहरूले मौद्रिक नीति पर्खिएर लगानी विस्तार नगरेको समयमा १० अर्ब रुपैयाँ बजारबाट उठेका कारण कर्जा लगानी घटेको देखिएको हो ।
यो अवधिमा बैंकहरूमा निक्षेप संकलन पनि घटेका कारण बैंकहरूमा तरलता अभाव कायमै रहेको तथ्यांकले देखाएको छ ।
