झापा । मानव सेवा आश्रमले झापामा एक करोडको अक्षयकोष स्थापना गरेको छ । सहयोगापेक्षी, सडक आश्रित र असहाय मानवहरूको स्थायी बसोबास तथा भरणपोषणका लागि यो अक्षयकोष स्थापना गरिएको हो ।
आश्रमका संयोजक खगेन्द्र विश्वकर्माका अनुसार सडकबाट उद्धार गरेर आश्रममा राखिएका व्यक्तिहरूको भरणपोषण र हेरचाहका लागि दिगो स्रोत जुटाउन अक्षयकोष स्थापना गरिएको हो । दाताहरूको सहयोगबाट यो अक्षयकोषमा रकम जम्मा गरिने संयोजक विश्वकर्माले बताए ।
अक्षयकोष स्थापनाका लागि स्थानीय समाजसेवी नीलकण्ठ तिवारीले आफ्ना स्वर्गीय आमाबुबाको स्मृतिमा एक लाख ११ हजार १११ रकम प्रदान गरेका थिए ।
