काठमाडौँ । नुवाकोटको शिवपुरीमा एयर डाइनेष्टिको हेलिकप्टर दुर्घटना भएको छ । बुधबार १ बजेर १४ मिनेटमा त्रिभुवन विमानस्थलबाट ४ चिनियाँ यात्रु लिएर उडेको उक्त हेलिकप्टर शिवपुरी गाउँपालिका ७ सूर्यचौर डाँडामा दुर्घटना भएको थियो ।
उक्त दुर्घटनामा हेलिकप्टरमा सवार पाँचै जनाको ज्यान गएको छ । क्याप्टेन अरुण मल्लले उडाएको हेलिकप्टरमा ४ जना चिनियाँ पर्यटक स्याफ्रुबेंसी लगिँदै थियो ।
दुर्घटनाको कारणबारे पत्ता लागेको छैन । तर प्रत्यक्षदर्शीका अनुसार हेलिकप्टर रुखमा ठोक्किएर आगो लाग्दै झरेको थियो ।
