बोली कोकिलको जस्तो
देख्छु संस्कार सुन्दर ,
हिसी हाँसो प्रभावी छ तिम्रो
आचार सुन्दर ।
वासन्ती फूल झैँ फुल्ने
भित्री हृदय कानन ,
काँडाका बीचमा रम्ने
फूल अपार सुन्दर ।
सुखदुःख दुवैलाई प्रकृति
रूप ठान्दछ्यौ ,
सधैं रमाउने तिम्रो
कार्यव्यापार सुन्दर ।
प्रेम बन्धनमा बाँधी दाम्पत्य
यो फुलाउँछौ,
देवी हौ सृष्टिकी रानी
नित्य उर्वर सुन्दर ।
सहनशीलता तिम्रो
शत्रुलाई गलाउँछ,
चित्त भर्छ्यौ सबैलाई
बन्छ संसार सुन्दर ।
किन्तु भयौ तिमी टाढा म
सम्झन्छु बराबर,
दूरभाष प्रयोक्ता हौं
तिम्रो विचार सुन्दर ।
-सिराहा बन्दिपुर
